2009年5月3日香港視覺藝術中心既放映，算得上成功，放映完畢後，超過八成觀眾賞面留座，參與Q&A環節。
2006年既screening因為多自己友，十成觀眾留座聽Q&A，今次無乜自己友，都咁多人支持，總算一件開心事。
觀眾既comment都算正面，當然，我會自己心理上調節一下：因為大庭廣眾，觀眾就算想批抨，都會俾面，都唔會響Q&A時鬧，所以有發言既觀眾大多係讚，我好多謝讚既觀眾，但事實又真係唔代表所有觀眾聲音。
一部戲總唔能夠滿足所有觀眾，呢部戲事實有唔少不足，不過獨立電影資源不足，就係要求觀眾既包容能力，唔能夠包容的話，呢部片可能唔適合你你。
當然客觀意見我實聽，較多觀眾認為上半場節奏較慢，好！有意見，我從善如流，我立即將影片加以刪剪......
放映會又搞完，片又剪短左，我問自己：what's next???
btw, 請加入本片facebook group：http://www.facebook.com/home.php#/group.php?gid=164556040242
5月3日放映會相片： http://www.facebook.com/home.php#/photo_search.php?oid=164556040242&view=user
